Arquivo | Convocatorias que recibimos RSS feed for this section

Manifesto censurando o recurso de casación perante o Tribunal Supremo, contra as recentes sentenzas do Tribunal Superior de Xustiza de Galicia

16 Feb
Hai uns días que nos chegou esta petición:
Prezadas amigas e amigos
un grupo amplo e plural de persoas de distintas tendencias, profesións e condicións estamos tentando difundir un manifesto censurando o recurso de casación perante o Tribunal Supremo, contra as recentes sentenzas do Tribunal Superior de Xustiza de Galicia, que a Consellaría de Educación da Xunta de Galicia acaba de anunciar que está preparando.

            Velaquí o manifesto:

 A XUNTA DEBE ACATAR A SENTENZA DO TRIBUNAL SUPERIOR DE XUSTIZA DE GALICIA

FEIJOO NON DEBE LEVAR O IDIOMA GALEGO AO TRIBUNAL SUPREMO

   A Consellería de Cultura, Educación e Ordenación Universitaria da Xunta de Galicia acaba de anunciar que está realizando os trámites previos á presentación dun recurso de casación diante do Tribunal Supremo contra as sentenzas ditadas polo Tribunal Superior de Xustiza de Galicia sobre o decreto chamado do plurilingüismo aprobado pola Xunta en 2010. Na nota oficial en que dá conta desta desafortunada iniciativa, a Consellería afirma que condiciona a non presentación -ou no seu caso a retirada- do dito recurso de casación, a que “os recorrentes e a oposición” acepten a proposta formulada hai máis dun mes polo presidente da Xunta:  segundo tal proposta, estes deben dar o seu aval ao devandito decreto do plurilingüismo, unha vez depurado dos aspectos que o TSXG estima contrarios á legalidade.

   Resulta verdadeiramente lamentable que o goberno e o Partido Popular non tirasen as conclusións derivadas das sentenzas do TSXG, en tanto que estas desautorizan de cheo aspectos básicos dun decreto que no seu día foi aprobado pola Xunta a pesar de contar con informes contrarios do Consello da Cultura Galega, a Real Academia Galega, o Consello Escolar de Galicia e o propio Consello Consultivo de Galicia. Agora, no canto de aproveitaren a ocasión para reconducir unha liña desastrosa de deslexitimación, desoficialización e desprestixio do idioma do país (e de paso, da propia autonomía e as súas institucións), o Partido Popular e o goberno de Feijoo teiman en botar máis leña ao lume.

   É incomprensible que o Presidente da Xunta pretenda condicionar unha rectificación imposta xuridicamente polo Tribunal Superior de Xustiza de Galicia a que a oposición e os recorrentes se aveñan a aceptar como idóneo un decreto indefendible, rotundamente descualificado polas devanditas institucións e organismos, así como pola maioría dos expertos e da comunidade educativa, ademais de contestado masivamente pola cidadanía.

   Pero o que provoca escándalo é que o goberno do Partido Popular pretenda outorgar ao Tribunal Supremo a última palabra nunha materia xa xulgada polo Tribunal Superior de Xustiza de Galicia e que o Estatuto de Autonomía de Galicia reserva como competencia exclusiva á nosa autonomía  (art. 27, 20 do EAG). A presentación do devandito recurso de casación constituiría non só unha aldraxe (outro máis) ao idioma do país, senón un desprezo ás nosas institucións e unha rotunda descualificación da propia autonomía.

   O que ao idioma galego lle cómpre son políticas activas de apoio e promoción no ámbito do ensino e nos demais ámbitos, políticas que deben fundarse nun amplo consenso político e social, como o plasmado no Plan Xeral de Normalización da Lingua Galega aprobado polo Parlamento de Galicia en 2004. O propio Parlamento de Galicia pode ser un lugar apropiado para fraguar as bases para tal consenso, non o Tribunal Supremo de Madrid.

   O que Galicia precisa é un Presidente e un goberno que confíen nas nosas propias institucións, que crean no autogoberno e que miren por riba de todo polos nosos intereses colectivos. Alberto Núñez Feijoo debe renunciar de vez a continuar cun obsceno xogo partidista -ou peor aínda, personalista- a custa do noso idioma e da nosa dignidade. A Xunta de Galicia cometería unha infamia arrastrando o idioma galego ao Tribunal Supremo.

Deitado frente ao mar. Unha semana de emocións e poesía que deu o seu froito

14 Xan

 

   Cando a finais do mes de novembro recibimos a convocatoria da CEDNL (Coordinadora de Equipos de Dinamización e Normalización Lingüística) para participarmos no Recitando Celso Emilio e a proposta foi transmitida ao alumnado, xa vimos que ía ser unha actividade na que todos se ían implicar a fondo. Empezamos falando de como facer o noso recitado do poema, logo fomos recibindo e apuntando suxestións e ideas e  cando xa nos pareceu que aquilo tiña corpo, puxémonos a traballar. Iamos escoitar os versos de Celso Emilio na voz do noso alumnado e gravariamos un vídeo.

   Nas semanas seguintes, a participación do alumnado do EDNL do propio centro foi decisiva para animar os seus compañeiros (todos están agora nos títulos de crédito); foino, sen dúbida, a de Sergio Clavero (profesor do Departamento de Debuxo e coordinador de Aturuxo Films), que fixo as gravacións dos recitados incansable e á procura do mellor de cada participante, mais tamén a montaxe do vídeo que axiña esperamos ver xunta os dos demais centros participantes(http://coordinadoraendl.org/recitandocelsoemilio/celso.phphttp://www.youtube.com/results?search_query=deitado+frente+ao+mar&page=1). Ademais, na hora e data sinaladas (12-12-12 ás 12:00 h.) fíxose o envío masivo do lema proposto pola CEDNL desde practicamente todas as aulas do centro, intervindo tanto o alumnado coma o profesorado.

   Un mes despois, o vídeo está montado e listo. Se estades lendo este artigo, xa podedes velo neste blog, pero durante esta semana tamén o ides poder ver no Salón de Actos do centro. Vémonos por alí, unidos pola lingua e a poesía, lembrando a Celso Emilio Ferreiro.

http://celsoemilioferreiro.org/fonoteca/ (se queres escoitar a voz do poeta)

X edición do Festival Internacional da Lusofonía- Cantos na Maré

10 Xan

PGL – O próximo sábado, dia 12 de janeiro, terá lugar em Ponte Vedra a décima ediçom do Festival Internacional da Lusofonia – Cantos na Maré. A partir das 21h, quem se achegar ao palácio da cultura poderá desfrutar da música de artistas como o português Rui Veloso, o brasileiro Chico César, o moçambicano Cheny Wa Gune ou a galega María Xosé Silvar Sés.

Mais um ano, a direçom artística do evento corresponde à cantora Uxía, rosto e ícone do festival. Quanto à direçom musical, este ano produz-se o regresso de Paulo Borges para esta tarefa.

Venda de bilhetes

Os bilhetes podem-se comprar antecipadamente no telefone 902 504 500 e em www.servinova.com ao preço de 25 €. Se houver ainda localidades disponíveis, poderám-se comprar bilhetes no próprio dia 12 no palácio da cultura, a partir das 19h e ao preço de 30€.

As origens dos Cantos na Maré

Segundo a própria Uxía, as origens do festival estám em 2003, quando a Concelharia de Cultura de Ponte Vedra lhe encarregou elaborar um modelo de festival. A partir daí, ediçom após ediçom foi-se consolidando um projeto cultural pioneiro que “a través da língua e da música traça um mapa comum entre os territórios da Lusofonia que compartem raízes”.

Desde o começo, Cantos na Maré “evidencia que desde a língua galega se podem tender pontes que nos acheguem a outras culturas emergentes, à vez que situam a nossa cultura no mundo”.

Um festival destas caraterísticas é o melhor modo “de fundir os diversos géneros musicais e ritmos filhos da galeguia como se fossem da família: samba, morna, choro, alalá, rumba e baião aproveitando o legado musical que os galegos levaram além mar”, assinalava Uxía.

Pasou no IES Cacheiras: algunhas actividades desta primeira parte do curso 12-13

27 Dec

En setembro, case a finais de mes (24), o alumnado encheu o salón de actos para asistir a unha Jam Session  con Xacobe Martínez Antelo Standard Quartet. Na prensa encontramos este artigo:

24 LUNS | IES CACHEIRAS

Encontro ao vivo con músicos de jazz 

 Xacobe Martínez Antelo (contrabaixo), Pablo Castaño (saxo alto), Marcos Pin (guitarra), Max Gómez (batería)

O grupo Chévere e o IES de Cacheiras manterán unha colaboración estable ao longo do curso académico, que se materializará nunha serie de actividades entre as que se inclúe esta visita ao centro dun grupo de músicos de jazz para realizar un encontro e concerto comentado aberto a todo o alumnado e profesorado. O obxectivo é tender pontes entre os profesionais das artes vivas galegas e os rapaces e rapazas do instituto.

IMG_1523

    Tamén en colaboración co grupo Chévere, os días 4 e 5 deste mes, un dos grupos premiados no Samaín (primerio premio compartido: 1ºESO-C) gozou aprendendo no obradoiro Danza en Teo. En REDENASA.TV encontramos esta imaxe:

DANZA EN TEO

      E o venres 14, todo o alumnado de 2ºESO-D (gañadores tamén do 1º premio de Samaín) asistiu ao obradoiro de hip-hop e monicreques (TITEREHOP)  con García MC á fronte. No seu facebook atopamos esta fotografía:

GARCÍA NO IES

E no blog de TITEREHOP, podedes ver unha gravación froito do traballo conxunto de García MC co alumnado: http://titerehop.wordpress.com/page/2/

    Acabamos este ano 2012, pero seguimos a traballar. Agradecemos o traballo de todas as persoas da comunidade educativa que, desinteresadamente e con interese, colaboran e participan nas nosas actividades; pero como non podía ser doutro xeito, mostramos a nosa gratitude ao Concello de Teo e á compañía residente no concello, Chévere, que conxuntamente nos fan parte dos seus proxectos e das súas actividades.

Eurozone, a nova obra dos Chévere. Seguídea na rede

27 Dec

EUROZONA

     Eurozone quere ser un thriller político sobre a fin da idea de Europa ambientado na profunda crise actual do sistema. Un achegamento a este gran atraco especulativo ao máis puro estilo Tarantino e co referente directo de Reservoir Dogs. Políticos e banqueiros en lugar de gángters, arquitectura-espectáculo en lugar de almacéns, o estado do benestar europeo en lugar de xoias. E a capacidade de Chévere para saír airoso de tal pastiche.

   Eurozone é un traballo sobre un dos maiores relatos colectivos construídos na época contemporánea: a reconstrución da idea de Europa despois da 2ª Guerra Mundial. Como toda historia, ten un principio, un desenvolvemento e un final. Eurozone parte do suposto de que neste momento da historia estamos participando na escrita do seu final. E consideramos que hai que contribuír a este último capítulo non só como cidadáns, senón tamén como creadores, porque non debemos deixar que sexan mans alleas as que redacten o relato da historia, que tamén é a nosa historia.

   A aceleración dos sucesos que integran esta historia e a rapidez coa que podemos intervir, intercambiar, comentar, modificar estes acontecementos fan que a nosa participación na historia sexa máis intensa que nunca. Máis presente. Máis horizontal. Pasamos dunha historia con todos os dereitos reservados a unha historia de código aberto que se pode transitar, compartir, intercambiar, rescribir, transformar…

   Eurozone é unha resposta apaixoada ao tempo que nos tocou vivir, é a nosa aportación ao debate do presente. Isto é teatro feito a pé de rúa. Teatro actual manufacturado en Galicia con toda a ambición posible xusto nun momento de parálise económica e cultural.

   Eurozone é un traballo en proceso, segue a metodoloxía de creación colectiva establecida polo grupo Chévere ao longo dos anos e refrendada polo recoñecemento do público, dos profesionais e dos medios.

   Eurozone é unha aposta por achegar ao público galego espectáculos de creación contemporánea de calidade e gran formato.

   Eurozone é un thriller político sobre o fin da idea de Europa.

Ligazóns:

http://redenasa.tv/

http://redenasa.tv/gl/post/every-dog-has-its-day-proposta-ganadora-no-concurso-para-o-espazo-escenico-da-nova-obra-de-chevere/

http://redenasa.tv/gl/eurozone/

http://redenasa.tv/gl/eurozone/texto/sinopse/

http://redenasa.tv/gl/eurozone/post/2842/

https://www.facebook.com/redenasa

https://twitter.com/redenasa

Club de Debate 2013- A primeira xornada: formación (nos Tilos- Teo)

20 Dec

CELÉBRASE UNHA XORNADA DE FORMACIÓN NOS TILOS PARA O CLUB DE DEBATE

NO QUE PARTICIPA ALUMNADO DOS CONCELLOS DE AMES, ROIS, SANTIAGO E TEO

18/12/2012

As redes sociais favorecen a comunicación e a relación entre as persoas. Este será o tema sobre o que traballarán os equipos de escolares que participen este ano na fase comarcal de Compostela do Club de Debate . Este club é unha iniciativa impulsada dende os servizos de Normalización Lingüística municipais na que participan os Concellos de Ames , Carballo ,Cee , Ferrol , Pontevedra , Ourense , Rois , Santiago , Teo e Vigo .

Na Comarca de Compostela xa se está traballando dende hai semanas e hoxe mesmo realizouse unha xornada de formación cos equipos anotados de SantiagoAmes , Rois e Teo na Casa Común dos Tilos. A actividade, que durou toda a mañá, centrouse en traballar as técnicas de oralidade e habilidades sociais e comunicativas. A maiores diso abordáronse as técnicas de compilación e tratamento da información para enfrontarse a un tema de debate. O traballo cos case 100 estudantes que participaron nesta xornada de formación combinou o traballo máis regrado coas dinámicas de grupo, técnicas de rol, prácticas de comunicación non verbal…

A mañá rematou cunha simulación de debate por equipos. A Casa Común dos Tilos acolleu catro equipos dos centros composteláns IES Antonio Fraguas e do Colexio Compañía de María; catro equipos do IES de Ames; un equipo do CPI Plurilingüe dos Dices de Rois; un equipo do IES Macías o Namorado de Padrón, un equipo do IES Camilo José Cela tamén de Padrón e un equipo do IES de Cacheiras-Teo.

Esta actividade formativa servirá para darlle ferramentas ao alumnado e ao profesorado para mellorar as técnicas de debate de cara á fase comarcal que se celebrará en Bertamiráns (Ames) a primeiros de abril. Os equipos gañadores deste primeiro enfrontamento participarán na fase final que se celebrará en Santiago de Compostela o 4 de maio. O equipo gañador da fase galega conseguirá un premio dunha viaxe dunha fin de semana para 25 persoas. 

A participación no Club de Debate busca incentivar entre os máis novos/as o emprego da lingua, traballar a fluidez comunicativa a través da oratoria ademais de incitar o pensamento crítico e  a tolerancia. Está dirixido aos escolares de 3º e 4º da ESO ou 1º de Bacharelato.

    Alí estivo tamén o noso grupo de debate, formado por: Rita García, Silvia Barros, Uxía Dono, Manuel Duro, Giulia Podda, Martina Rey, Tamara Soto, Mencía Suárez, Alicia Vila e Noelia Villar. Agora haberá que irse preparando para estaren a punto en abril, mes en que empezan os debates comarcais. Sorte a todos os participantes 😉

IMG_1638 IMG_1637

Parabéns a Xoel López, Laura Losada, Marina Fernández, Alba Ferrón, Andrea Vázquez e Ramón Cruces

18 Abr

   Tres equipos de Teo, integrados por alumnado do IES de Cacheiras, participan este sábado 14 de abril na fase comarcal do Club de Debate, que se celebra no Auditorio de Galicia en Santiago a partir das nove da mañá. O tema de debate para a competición é “Deben os poderes públicos promover a diversidade lingüística?” Ao debate acudirán tamén dous equipos de Santiago, tres de Ames e un de Rois.

http://www.concellodeteo.com/actualidade/nova.php?id=921&lg=gal

Isto podiamos lelo na páxina do Concello de Teo o mesmo sábado pola mañá. Sabiamos que o    noso alumnado estaba preparado e esperabamos boas novas. Non nos chegaron ata o día seguinte:

“UN EQUIPO DE TEO ACADA O SEGUNDO PREMIO NA FASE COMARCAL DO CLUB DE DEBATE”, volviamos ler na páxina do Concello.

 

   Celebrouse no Auditorio de Galicia a fase comarcal do Club de Debate. Participaron dous equipos de Santiago, integrados por alumnos de 1º de Bacharelato do Colexio Compañía de María. Competiron con outros sete equipos (tres de Ames, tres de Teo e un de Rois) debatendo sobre o tema “Deben os poderes públicos promover a diversidade lingüística?” Finalmente, o gañador foi o CPI dos Dices (Rois) e o segundo premio recaeu no equipo teense do IES de Cacheiras.

   Cada equipo debateu dúas veces, unha coa posición a favor e outra en contra. O xurado emitiu unha puntuación e, e ao final do día, os dous que máis puntos sumaron foron os premiados: 500 euros para o primeiro e 300 euros para o segundo. Os premios non son en metálico, senón en material cultural ou deportivo (libros, discos, informática…) segundo a súa elección. O xurado estivo formado por catro persoas: unha xornalista, un escritor, unha profesora e unha técnica de normalización lingüística.

Os vicecampións da fase comarcal, durante o debate

  O equipo gañador foi o integrado por Xoel López e Laura Losada como oradores, Marina Fernández e Cristina Seijas como investigadoras, Alba Ferrón e Andrea Vázquez como colaboradoras, e o profesor Ramón Cruces como preparador.
    O tema de debate nesta fase comarcal foi: “Deben os poderes públicos promover a diversidade lingüística?” En total, participaron tres equipos de Teo, dous de Santiago, tres de Ames e un de Rois. O tema proposto para a final en Pontevedra é: “Os usos das novas tecnoloxías favorecen as relacións sociais”.

   O Club de Debate é unha iniciativa promovida polos Servizos de Normalización Lingüística dos Concellos de Ames, Betanzos, Carballo, Carral, A Coruña, Ferrol, As Pontes, Pontevedra, Oleiros, Rois, Santiago de Compostela, Teo e Vigo. Os seus obxectivos son favorecer o emprego da lingua galega na mocidade, traballar na fluidez comunicativa como unha das habilidades sociais máis importantes e na oratoria, incitar ao pensamento crítico e analítico sobre temas de actualidade, e fomentar a diversidade de opinións, a tolerancia fronte a diferentes cuestións e o traballo en equipo.

   Desde aquí queremos agradecerlle especialmente ao Concello de Teo (nomeadamente ao Servizo de Normalización, Roberto Rielo, e Concellería de Cultura, Carme Hermida) que promovera esta iniciativa (tamén aos demais, que a fixero posible) e que estivera pendente en todo momento dos preparativos e da marcha dos equipos. Tamén ao profesorado que participou dalguna maneira na organización desta actividade e que acompañou ao alumnado durante a xornada (Puri Cabido, Xosé Manuel Maceira, Sabela Álvarez e Ramón Cruces). E, desde logo, non podemos esquecernos do noso alumnado:

Grupo 1

Grupo 2

Grupo 3

1º Bach. A

1º Bach. C

4º ESO B

1º Bach. B

Xoel López Penido

Rocío Carrasco Vieites

Marina Vázquez Nieto

Elena García Martín

Micaela Mourelle Blanco

Noelia Naveira Dono

Laura Losada Moure

Antonio Del Río Courtier

 Andrea Vázquez Perol

Alba Ferrón García

Bruno Pardo Diéguez

Alejandro González Fernández

Cristina Seijas Santos

Francisco López Bermúdez

         María Fernández Túñez                 Víctor Cacabelos Montero

Parabéns!!!

   Estamos convencidos de que esta experiencia vai ser lembrada dunha maneira especial polo noso alumnado, non porque obtiveran un dos premios da fase comarcal, senón porque saben valorar que o seu paso polo IES de Cacheiras e a súa experiencia académica vai máis aló das xornadas nas aulas. Un millón por participardes e por serdes tan especiais.

(Todas as fotos foron tiradas da páxina do Concello de Teo e dos medios de comunicación. Un millón, tamén!)

Hoxe, 9 de abril remata o prazo para a presentación de traballos

9 Abr

Convocado o VIII Premio a artigos xornalísticos normalizadores Concello de Carballo 2012

Convocado o VIII Premio a artigos xornalísticos normalizadores Concello de Carballo 2012

   O obxectivo deste Premio é promover a reflexión sobre a situación do galego e crear espazos nos xornais para fomentar o uso e prestixio da lingua galega. Outórgase un premio de 1.000 euros e a difusión do artigo gañador nos 11 medios de comunicación que colaboran co certame. O prazo de admisión de artigos está aberto até o 9 de abril. O Concello de Carballo, desde o seu Servizo de Normalización Lingüística (SNL) e en colaboración con varios medios de comunicación escritos, convoca por oitavo ano consecutivo o Premio a artigos xornalísticos normalizadores, un certame xa consolidado que ten como obxectivos promover a reflexión sobre a situación social da lingua galega, crear espazos nos xornais para analizar e fomentar o uso e prestixio do idioma galego e promover o seu uso na prensa.

   Ao certame pódense presentar artigos xornalísticos inéditos de opinión que traten algún tema concreto relacionado coa situación sociolingüística do noso país, coa defensa e promoción da lingua galega, co seu estatus, co argumentario a prol do uso do galego, coa lexislación e os dereitos lingüísticos, con experiencias sociolingüísticas concretas, con propostas para o impulso do uso e prestixio social do galego, con experiencias útiles ou favorábeis para a dinamización da lingua, coa política lingüística en xeral ou nalgún ámbito ou situación determinada etc.
Os artigos deberán ter entre 2.000 e 3.500 caracteres con espazos incluídos (entre 350 e 600 palabras, aproximadamente). O prazo de admisión está aberto até o 9 de abril de 2012. Outorgarase un premio económico ao artigo gañador, dotado con 1.000 euros, ademais da difusión nos once medios colaboradores coa iniciativa: A Nosa CostaDe Luns a Venres, Diario de Bergantiños, El Periódico de Carballo, Galicia ConfidencialLa Opinión de A CoruñaLa Voz de GaliciaPraza PúblicaQue pasa na CostaSermos Galiza e Tempos Novos.
Nas sete edicións anteriores foron premiados/as autores/as como Xurxo Carballido, Olga Patiño, Ana Barreiro, Ramón Vilar Landeira, Miguel Mosquera, Séchu Sende, Kiko Novoa, Xesús Fraga, Pilar García Negro, Marica Campo ou Marcos Abalde.

Sara de Sousa, quarta-feira (pelas 21:30 h.) na Sala Capitol

8 Abr

Concerto de fado. Sala Capitol (Santiago de Compostela)

Entradas: A Reixa Tenda (Santiago de Compostela). Preço: 3 euros

Não percam!

Alguma ligação:

http://lusopatia.wordpress.com/2012/04/09/concerto-de-fado/

Tempo de contos: espazo de creación na rede

24 Mar

   Tempos Dixital abre TEMPO DE CONTOS, un espazo online aberto á creación literaria onde escritores e escritoras en lingua galega teñen a oportunidade de dar a coñecer as súas obras. Cada semana publicarase un relato, conto ou poema en Tempo de Contos xunto cun breve perfil biográfico do autor ou autora.

Para verdes as bases:

http://temposdixital.com/td/cultura/03/nace-tempo-de-contos-un-espazo-de-creacion-na-rede/

Jack Mircala: esta semana en Compostela…e a exposición ata agosto ;D

24 Mar

Compostela Iconográfica. Unha visión do século XXI

   El viernes 30 a las ocho de la tarde inauguramos la exposición “Compostela Iconográfica” del artista Jack Mircala en el Palacio de Gelmírez (Plaza del Obradoiro). La muestra estará hasta el mes de agosto, así que los que no puedan asistir ese día tendrán mucho tiempo para verla.

   Enteireime onte, a través do facebook de El Patito Editorial, e despois fun á páxina do ilustrador Jack Mircala e encontrei isto: Uno de los carteles anunciadores de la exposición “Compostela Iconográfica”, desde abril hasta agosto de 2012 en el Palacio de Gelmírez, Santiago de Compostela. Nos vemos en la inauguración el 30 de marzo.

   Se alguén non coñece aínda o magnífico traballo deste artista (ilustrador, escritor), pode achegarse por algún dos sitios (https://www.facebook.com/pages/Jack-Mircala/151683201527048), pero sobre todo pode achegarse ás súas historias: El acertijo de Valpul, Ciudad monstrualia, Gamusoides mircalianos, Siniestras amadas, El príncipe feliz, Lóbrego Romance, Pálida Pantasma...

   Por sorte para o noso alumnado de primeiro da ESO, Lóbrego Romance, Pálida Pantasma é unha das lecturas deste curso académico (precisamente deste tramo final de curso que vai comezar despois da Pascua). Van gozar, non só coa lectura senón tamén coas tan particulares ilustracións de Mircala. Eu vou facer o posible por ir á inauguración da exposición, levar un exemplar da biblioteca do centro e que nolo dedique: vai ser un pracer ;=D Logo volverá aos andeis para estar á man de quen queira ler.

   Agradecemos desde aquí a información da editorial El Patito e xa deixaremos máis información sobre a exposición na Axenda Cultural do noso centro.

Aquí quedan unhas cantas ligazóns para que lles botedes unha visual: paga a pena.

http://www.semanagoticademadrid.com/sgm2009/mircala.htm

http://patitoblog.com/archives/tag/jack-mircala

http://www.google.es/url?sa=t&rct=j&q=&esrc=s&source=web&cd=16&ved=0CJQBEBYwDw&url=http%3A%2F%2Fcadernodacritica.blogaliza.org%2F2011%2F03%2F15%2Flobrego-romance-palida-pantasma-de-jack-mircala%2F&ei=CvNtT97_AdK10QWW4rmOAg&usg=AFQjCNHX3hhcxdMEiyizIZ1GM1nsd9hRdg&sig2=_SxLzkZlKXrOA1Me1j9N8w

http://ubikeuropa.eu/PRENSA_ConciertoComic.pdf

http://www.galiciahoxe.com/mare/gh/patito-edita-galego-nova-obra-jack-mircala/idEdicion-2011-01-25/idNoticia-633274/

http://www.ouniversodegalimatias.com/?tag=jack-mircala

http://cartasdeamor.freeiz.com/?p=126

http://www.somosmalasana.com/noticias-madrid-malasana/malasana-protagonista-del-eclipse-de-jack-mircala/

http://www.elboomeran.com/obra/1053/eclipse-en-malasana/?utm_source=twitterfeed&utm_medium=twitter

Unha entrevista completa: http://radiolibertad.com/2012/03/14/el-ilustrador-jack-mircala-en-la-dolce-vita/

O último: https://www.facebook.com/pages/El-Gabinete-Art%C3%ADstico-de-Jack-Mircala/356599307725829

Vaiche boa…Vilaboa!!!!O alcalde de Santiago retíralle a axuda ao Correlingua e tratarao como unha manifestación

23 Mar

O Concello de Santiago retira este ano o apoio que concedía para organizar a Correlingua, a proba deportiva de promoción do idioma, programada este ano o día 7 de maio na cidade.

O edil de Cultura e Educación, Ángel Currás, afirma que xa lle comunicou hai unhas semanas á organización que este ano non se pode soster a axuda económica de 4.250 euros que se lles outorgaba, polos recortes orzamentarios e por existir outras prioridades. Días despois reiterou a negativa e acrecentou o desacordo co texto do manifesto, que valora «moi desafortunado». Currás indica que «en modo algún» ou Concello colaborará con esa iniciativa, por discrepar con ese manifesto, elaborado por alumnado de cuarto curso de secundaria do CPI de Pontecesures. Porén «se queren celebrar a proba terán que solicitar permiso ao departamento de Tráfico e Seguridade», afirma.

Xepe Torres, da Coordinadora de Equipos de Normalización e Dinamización Lingüística de Santiago e comarca, e Marcos Maceira, da Mesa pola Normalización Lingüística, como representantes da organización da proba, admiten que Currás lles avanzou que non había dispoñibilidade económica, aínda que se lles prometeu axuda para ceder, instalar e retirar un palco. Días despois comunicou a negativa a calquera axuda, de se non retirar ou manifesto.

 Máis información:

http://mundogaliza.com/o-correlingua-denuncia-o-intento-de-censura-por-parte-do-concelleiro-de-educacion-de-santiago/

http://gavieira.blogspot.com.es/2012/03/o-alcalde-de-santiago-retiralle-axuda.html

http://praza.com/politica/465/conde-roa-retiralle-a-axuda-ao-correlingua-e-tratarao-como-unha-manifestacion/

http://www.lavozdegalicia.es/noticia/santiago/2012/03/22/concello-retira-apoio-correlingua-do-7-maio/0003_201203S22C2991.htm?idioma=galego

http://www.santiagodecompostela.org/casa_concello/tramite.php?txt=ser_lingua_galea&id_t=121&c=&lg=gal

“Gartxot”: grande estreia. Sexta-feira, nos cinemas Compostela

23 Mar

http://agal-gz.org/blogues/index.php/gent/2012/03/20/title-469

   Gartxot, o filme de animaçom basco, estreia-se legendado em galego. Nesta história medieva, umha mestura de tragédia romántica e filme de aventuras, o Abade de Roncesvales desterra o bardo Gartxot e rapta o seu filho Mikelot para que cante em latim ao serviço da Igreja. Mikelot consegue escapar do convento e é perseguido polos temíveis monjes guerreiros. A história de Gartxot converteu-se com o tempo num símbolo que proclama a liberdade para criar em euskera.

http://multicinescompostela.com/

Falarmos Brasil, curso on-line de língua destinado à cidadania galega

23 Mar

   Falarmos Brasil é um curso de língua on-line destinado à cidadania galega focado no português do Brasil. Falarmos.com é uma iniciativa da Associaçom Galega da Língua (AGAL) para fortalecer o conhecimento por parte dos galegos e as galegas da língua internacionalmente conhecida como Português, e nomeada comummente na Galiza, simplesmente galego.

   O Brasil tem passado recentemente de ser uma potência cultural a ser uma potência política e económica. Este facto está a abrir muitas oportunidades de todo o tipo que a cidadania galega pode e deve aproveitar, mercê à língua que compartilhamos.

   Este curso on-line vem a facilitar o percurso que a aluna, o aluno galego tem de percorrer para, partindo dos falares galegos, aterrar no formato brasileiro de língua. Para além do código linguístico, o curso fornecerá aspetos culturais que nos ajudem a entender melhor o Brasil e a sua cidadania.

   O curso tem uma duração de 60 horas distribuídas em 40 dias e 10 unidades.

  O curso está monotorizado por Carme Saborido, professora de português, e inclui práticas de expressão escrita com dinâmicas de grupo.

 O preço do curso é de 60 euros (IVA incluído) para empregados(as) e de 45 euros para desempregados(as) e sócios(as) da AGAL. Existe a possibilidade de adquirir dois manuais de apoio ao curso (em formato livro) que seriam enviados pelos correios somando mais 15 euros à matrícula base.

   A superação do curso dá direito a um diploma emitido pela AGAL.

   O prazo de inscrição começará o dia 21 de março e vai-se prolongar até o dia 19 de abril. Há um número de lugares limitado: 25. No caso de se preencherem antes da finalização formal da inscrição avisaremos neste mesmo espaço e daremos por concluída a inscrição.

   O curso começa oficialmente o dia 20 de abril e finaliza a 30 de maio.

Para saberem mais: http://pglingua.org/cursos/falarmos/4874-falarmos-brasil-curso-on-line-de-lingua-destinado-a-cidadania-galega

Nace Mira por elas, plataforma plural en defensa dos medios de comunicación públicos en galego. Asinamos o manifesto

17 Mar
   Nace a plataforma plural en defensa da radio e televisión públicas galegas, e presentan o manifesto Mira por elas que, entre outras cousas, defende que deben impulsar a normalización do galego. Forman parte da Plataforma cidadá en defensa da radio televisión pública galega asociacións culturais, feministas, profesionais, deportivas, sindicais e políticas que decidiron crear e impulsar esta iniciativa plural e cidadá en defensa dos medios públicos.

   Calquera persoa ou entidade pode asinar o manifesto Mira por elas, no que se sinala, entre outras cousas que a CRTVG “defenda a identidade nacional de Galiza, promova o coñecemento e a difusión da súa historia e a súa cultura e impulse a normalización da súa lingua”, “informe con veracidade, imparcialidade, independencia e pluralidade”, “estimule a participación democrática mediante unha regulación que asegure a aplicación efectiva do dereito de acceso aos medios públicos dos grupos sociais e políticos, sen excluír as minorías”, etc.

Asinaremos e convidamos a que asinedes.

Toda a info en: http://www.miraporelas.com/asina-o-noso-manifesto.html