Anímovos a entrar no marabilloso mundo d’O Apóstolo, unha actividade Lim creada polos alumn@s de 6º do Ceip Antonio Palacios sobre a película O Apóstolo. Autor: Benito Gil Martínez
Excelente! Parabéns aos seus creadores 😉
Para máis… http://oapostolo.com/gl/
Há dois dias que uma colega e gande amiga, Carme Saborido (autora do bloque lusopatia) nos falava de que tinha encontrado no youtube um excelente filme, bom para quem der aulas de português. Intitula-se Central do Brasil (1998), e foi dirigido por Walter Salles, que se inspirou em Alice nas Cidades, de Wim Wenders. Vamos partilhar para que possam ver bom cinema em português. Curtam!
http://www.youtube.com/watch?v=NpZgPWTUrlE
Dora (Fernanda Montenegro) é uma mulher que trabalha na estação Central do Brasil escrevendo cartas para pessoas analfabetas. Uma de suas clientes, Ana (Soia Lira), aparece com o filho Josué (Vinícius de Oliveira) pedindo que escreva uma carta para o seu marido dizendo que Josué quer visita-lo um dia. Saindo da estação, Ana morre atropelada por um ônibus e Josué, de apenas nove anos e sem ter para onde ir, se vê forçado a morar na estação. Com pena do garoto, Dora decide ajuda-lo e leva-lo até seu pai que mora no sertão nordestino. No meio desta viagem pelo Brasil, eles encontram obstáculos e descobertas enquanto o filme revela como é a vida de pessoas que migram pelo país na tentativa de conseguirem melhor qualidade de vida ou poder reaver seus parentes deixados para trás.
Parabéns desde o propio centro!!!
A curtametraxe “Vidas en sombra” feita polo alumnado de 1º bacharelato na materia Cultura Audiovisual é finalista do TIMELINE FILM FESTIVAL de Carate Brianza (Italia) e acudirán a dito festival dous alumnos e o profesor responsable da materia, Sergio Clavero, invitados pola organización entre o 30 de maio e o 2 de xuño. Os alumnos convivirán con familias do IIT Leonardo da Vinci organizadora do festival. É o tercero ano que as curtas creadas no IES Cacheiras son finalistas en dito festival.
Tamén recibimos a nova da selección como finalista da obra “Spots sociais” feita polo alumnado de 4º ESO da materia Linguaxe audiovisual e medios dixitais e 1º bacharelato en Cultura Audiovisual no Festival CINEMA JOVE de Valencia. Acudirán dous alumnos invitados pola organización ás numerosas actividades do mesmo entre o 21 e o 24 de xuño. É o cuarto ano consecutivo no que unha curta do IES é seleccionada finalista e nalgún caso recompensada cun premio.
Estes son os novos recoñecementos ao excelente traballo do noso alumnado nas materias Linguaxe audiovisual e medios dixitais de 3º e 4º ESO e Cultura audiovisual de 1º bacharelato.
Noraboa a tod@s.
Vai tamén a esta ligazón:
http://aturuxofilms.wordpress.com/2013/06/03/mencion-especial-en-italia/
A dirección e profesores do Conservatorio Profesional de Música de Santiago de Compostela acolleron con entusiasmo a proposta de Aturuxo Films de incorporarse ao proxecto da curtametraxe que está a facer o alumnado de 4º ESO da materia optativa Linguaxe audiovisual e medios dixitais. Como podedes imaxinar o seu traballo vai consistir na composición, interpretación e gravación da música da banda sonora. Alumnado de 3º de grao profesional vai ser o encargado de por a emoción musical coordinados e dirixidos polo seu profesor Ramón Cabezas.
M. Pardo Fernández
http://agal-gz.org/blogues/index.php/gent/2012/03/20/title-469
Gartxot, o filme de animaçom basco, estreia-se legendado em galego. Nesta história medieva, umha mestura de tragédia romántica e filme de aventuras, o Abade de Roncesvales desterra o bardo Gartxot e rapta o seu filho Mikelot para que cante em latim ao serviço da Igreja. Mikelot consegue escapar do convento e é perseguido polos temíveis monjes guerreiros. A história de Gartxot converteu-se com o tempo num símbolo que proclama a liberdade para criar em euskera.
Será o xoves, no primeiro recreo, cando Alberto Quintela e Agustín presenten as curtas Spots Sociais, “feitos polos alumnos de Cultura Audiovisual como exercicio de creación unha vez estudadas e analizadas as estratexias que utiliza a publicidade para manipular os nosos comportamentos e hábitos de consumo.”
Como podedes ler na páxina de aturuxofilms “Pareceunos interesante aplicar estas estratexias ao ámbito da educación en valores e neste caso promovendo o coidado do noso medio ambiente e a igualdade de xénero no traballo.” Nós engadimos a ese interesante, necesario; por iso vos convidamos a asistir e participar nesta iniciativa posta en marcha este mes: os Recreos de Cinema.
Agardamos e agradecemos a vosa presenza e participación xa que sen vós nada disto sería posible (nin as curtas nin a actividade). Aproveitamos para vos adiantar que o mércores 28 de marzo se vai estrear a curta titulada A moza tecelá e que para a estrea van estar: Carolina, Helena, Xoel e Laura. Ata daquela ;=D
http://aturuxofilms.wordpress.com/2012/03/19/spots-sociais-nos-recreos-de-cine/
A pasada semana foron presentados no Centro Galego de Artes da Imaxe os protagonistas da longametraxe infantil “A casa da luz”, adaptación da novela de Xabier Docampo, que será levada ao cinema polo produtor Xosé Xoán Cabanas Cao e o director Carlos Amil.
Agustina Bentos, Sheila Carbia, Jorge Taboada, Javier López, Claudia Peña e Antón Sampedro interpretarán no filme a Alicia, Alba, Amadeo, Alvaro, Lucrecia e Anxo, o grupo de amigos sobre os que xira o argumento. Os nenos, que foron seleccionados nas probas de reparto que se levaron a cabo en centros de ensino de todas as provincias galegas, inician o proxecto sen unha formación actoral previa, xa que, segundo explica Carlos Amil, o filme está formulado como un xogo “e todos os nenos saben xogar”. Como explicou Carlos Amil na presentación, “o que se buscaba nos nenos era expresividade e presenza ante a cámara, e non foi sinxelo dar co reparto apropiado”. Os días anteriores ao inicio da rodaxe, Vimbio Filmes organizou un campamento para que os seis pequenos protagonistas se coñecesen e se crease entre eles a idea de “pandilla” que se precisaba para o papel. Os rapaces, que teñen entre 8 e 13 anos e veñen de diferentes localidades galegas (Monforte, A Coruña, Santiago, A Estrada e Ordes), coincidiron en mostrarse ilusionados coa película, coa que aseguran estar aprendendo moito; ademais, todos pensan en dedicarse á interpretación no futuro.
O equipo artístico complétase con actores galegos xa coñecidos no mundo da interpretación, como Gustavo Pernas, Xosé Manuel Oliveira, Susana Dans, Antonio Mourelos, Cándido Pazo, Xulio Lago ou Camilo Rodríguez. Dentro do equipo técnico destaca a presencia de Xosé Cobas, ilustrador da novela original, que asume a dirección conceptual do filme. Alfonso Parra é o director de fotografía e Rodrigo Roel o director artístico. Por outra banda, a música será de Nany García.
“A casa da Luz” será un das primeiras longametraxes de imaxe real para nenos que se realizan en Galicia e estase a rodar integramente en galego. A novela, editada por Edicións Xerais, narra a aventura dun grupo de nenos, utilizando como fío condutor a desaparición dun amigo nun mundo descoñecido e misterioso. Segundo explica o seu autor, Xabier Docampo, trátase dunha literatura moi cinematográfica, “A casa da luz” inicialmente era un argumento pensado para un guión de cine pero, como o proxecto non foi para adiante, converteuse nunha novela”, explicou. O escritor galego, Premio Nacional de Literatura Infantil e Xuvenil, asegura que cine e literatura son dúas linguaxes distintas, polo que non pretende que a película sexa totalmente fiel á novela. “Os personaxes son seres vivos e pásanlles outras cousas á parte das que conta a novela”, asegura, aínda que confesa que el lle gustará sempre máis a novela.
A adaptación cinematográfica foi realizada por Carlos Amil e Xosé Xoán Cabanas Cao, que coinciden en cualificar o proxecto como unha película “fantástica”, pero non de fantasía, na que o público obxectivo, os nenos, serán tratados “como espectadores intelixentes”, algo que tamén remarca Xabier Docampo. “Este país necesitaba isto -afirma-. Alguén ten que formar os espectadores cinematográficos, e estes fórmanse no cinema”. A casa da luz vai ser a segunda película de Carlos Amil, que se estreou na dirección co filme Branca Madison (2003). “Un dos maiores alicientes deste novo proxecto é que se trata dunha película de aventuras dirixida a todos os públicos, e tamén que partimos da adaptación dun texto de Xabier Docampo”, asegura. Outro dos atractivos que sinala Amil é o deseño conceptual do filme, que recaerá en Xosé Cobas, autor das ilustracións do libro de Docampo. “É unha aposta forte, xa que a súa procedencia non é do mundo da dirección artística, senón da ilustración e pode achegar algo moi interesante dende esta perspectiva,”, afirma.
Quen siga desde hai tempo a actividade do IES Cacheiras, xa coñecerá Aturuxo Films, as súas producións, froito do traballo do alumnado e profesorado que, curso a curso nas clases de Debuxo, se deixa levar polo innegable encanto da linguaxe audiovisual, e mais os recoñecementos e premios que gañou nestes anos.
Nós, desde o centro, queremos non só agradecer todo o seu traballo senón tamén divulgalo e valoralo. Por iso, a partir desta semana comezan no Salón de actos os Recreos de Cinema, un proxecto a través do que pretendemos que toda a comunidade escolar se achegue a estas creacións tan interesantes como valiosas, para logo abrir o noso foco de interese a outros lugares e outras fontes, proxectando unha selección de curtametraxes realizada polo profesor Sergio Clavero (Dpto. de Debuxo).
Ben, esperamos que vos guste esta idea e que asistades. Só un adianto:
Día: xoves 15 de marzo.
Hora: 1º recreo.
Curta: Enredado
Toda a información, mañá pola mañá no centro e pola noite aquí. Ata entón ;=D
Acabou o mes de marzo e houbo tres recreos de cinema. Para o primeiro contamos con Darío, Cristóbal e Víctor, que presentou a curta; para o segundo tivemos a Alberto, que ademais da presentación da curta fixo un convite ao alumnado presente para que se animaran á creación audiovisual. Para o terceiro, o da estrea d’A moza tecelá, Xoel, Carolina, Sandra e Helena acudiron ao salón de actos, pero, por motivos técnicos, houbo que aprazar a proxección para o xoves 12 de abril. Esperamos volver contar con todos para esa data. Tamén esperamos por vós 😉
Galería de fotos:
Un millón a asistentes e participantes na realización/ creación das curtas!!!!
Por vezes, as músicas que há nos contos servem também para aprendermos. Capuchinho vermelho vai-se encontrar com o bode e este não fala; canta. Ainda bem!
Se quiserem ver o filme inteiro:
IES CACHEIRAS 